Sunniva Langås-Røiland

Sunniva er ein allsidig musikar. Ho er forankra i tradisjonelt slåttespel frå Telemark, samstundes som ho utforskar sjangarkryssande samarbeid i jazz-, pop- og orkestersamanhengar. Repertoaret hennar spenner seg frå obskure slåttar på rare stille til egne komposisjonar. Særleg glad er ho i større slåttekomposisjonar, og har ein stor forkjærleik for komponisten Eivind Groven. 

Ho spelar og komponerar musikk i duoen Suigard som er nominert til Introfolk i haust. I tillegg spelar ho i band som strekk seg mot jazz og pop, som Snodig og Ly. Med fela spelar ho også med, og har gjort innspelingar med, spelemannprisvinnaren Ingrid Jasmin. I sommar har Sunniva vikariert i Byting.

Som seksåring starta Sunniva med klassisk fiolin. Å kunne noter og kjenne det klassiske språket gjer det mogleg å ta oppdrag nærare den klassiske verda. Ho har vore solist med orkester fleire gonger, og spelte på direktesendt TV og radio under pinsegudstenesta i år med ein hardingkvartett. 

Sunniva studerer utøvande folkemusikk ved Norges musikkhøgskole. Ved sida av studiene arbeider ho frilans som utøvar, pedagog og journalist.

Felespelaren har motteke fleire prisar og utmerkingar, mellom anna Heidi Løvelunds minnepris (2020), Midt-Telemark ungdomsstipend (2022) og Drømmestipendet (2024).

Foto: Gro B. Røiland

Kan sende musikar-CV etter ønskje

Contact for english information!