Gruppe
Madam Jam
Med banebrytande runddansmusikk har Madam Jam på svært kort tid engasjert eit heilt folkemusikkmiljø. Er vi vitne til ei ny gammaldansbølge?
Dei sju musikarane i Madam Jam har vekt mykje åtgaum etter at dei lanserte debutalbumet «van danse» sommaren 2023. Fengjande melodiar, frekke rytmar i gitar og banjo og krutsterk danseappell er nokon av grunnane til det. Sjølv om hjarta ligg nær den tradisjonelle runddansmusikken, er ikkje Madam Jam redde for å leggje til nye musikalske element i sjangeren. Og målet for gruppa er alltid å skape god stemning og danseglede!
Madam Jam fekk Folkelarmprisen for plata “van danse” i 2023.
Madam Jam spelar stort sett dansespelkonsertar på 60-75 minutt.
Utøvarar:
- Steinar Odde: Banjo, dobro
- Pål Bratås: Durspel, trekkspel
- Øyvind Sandum: Durspel, trekkspel
- Gro Visdal: Kontrabass
- Bjørn Kåre Odde: Fele, bratsj
- Geir Byre: Gitar
- Kristen Bratås: Gitar, el-gitar, tangenter, perk.
Logg inn for å legge igjen kommentar eller tilbakemeldinger.