Linda Røyseth Sandhåland

Linda Røyseth Sandhåland (f.1981) har fordjupa seg i folkesongtradisjonen frå kysten av Hordaland og arbeider som formidlar av denne som soloutøvar, pedagog og føredragshaldar. 

Ho har cand.mag-grad i folkemusikk frå folkemusikkstudiet ved Høgskolen i Telemark  og Kvedarskulen på Ole Bull Akademiet, samt master i etnomusikologi og PPU i utøvande musikk frå Griegakademiet ved Universitetet i Bergen (UiB). Ho har i tillegg ein mastergrad i logopedi frå UiB, der ho fordjupa seg i stemmevanskar.

Linda var berre 14 år då ho hadde sin første sommarjobb; å lytta gjennom og registrere alt innsamla folkesongmateriale som Kjersti Wiik samla inn i Nordhordland frå midten av 1990-talet (om lag 700 songar). Såleis fekk ho førstehandskjennskap til ein songtradisjon som var i ferd med å gå i gløymeboka. Linda har seinare lært folkesongar direkte frå eldre kjelder og notar. Ho har hatt Kjersti Møllerup Wiik som hovudlæremeister, samt har også lært frå Frode Nyvold, Ragnhild Furholt, Unni Løvlid og Berit Opheim.

Linda er medredaktør for den fritt tilgjengelege nettressursen www.strilakultur.no/barnesongboka med over 70 lokale barnesongar frå 9 kommunar på Strilalandet kring Bergen. Her har ho m.a. skrive fagartiklar om songtradisjonen og kystkulturen, samt om kjelder og songane. Ho har også vore med å syngje inn songane. Linda var også ein av prosjektleiarane for "Kystbarnesongen - lokal folkesong i skulen" der 13 instruktørar fekk opplæring og reiste ut til alle 2.klassingar i regionen skuleåret 2021-2022 og 2022-2023. Prosjektet fekk midlar frå m.a. Kulturelt Utviklingsprogram (KUP) i Vestland fylkeskommune, og nærare 3000 born og mange hundre vaksne fekk lære lokale barnesongar. 

Linda heldt også kvedarkurs for barn og vaksne, og har erfaring som song- og musikkpedagog frå kulturskule. Ho har leia babysonggrupper, samt også undervist songelevar på folkehøgskule og hatt førelesingar om folkemusikk på vidaregåande. I dag er ho engasjert som læremeister på Ole Bull Akademiet på Voss.

Som soloutøvar har Linda sidan 1995 gjort hundrevis av eventoppdrag, samt ho heldt musikalske føredrag om kystsongtradisjonen. Desse kan ta utgangspunkt i kystkultur og historie, song frå vogge til grav, juletradisjonar, men også om andre tema som mellomalderballadar, slåttetradisjon og meir. Føredraga kan tilpassast i form, lengde og tematikk. 

Linda samarbeider også med gitarist Bjørn Schille. I 2026 gav dei ut "Draumkvedet" på CD og strøymetenester. I samarbeidet sitt utforskar dei det musikalske landskapet mellom kveding og hybridgitar. Dei tek utgangspunkt i eldre songmateriale som framleis har evna til å røre ved universelle kjensler i oss menneske, sjølv etter si lange vandring gjennom tid og rom. Våren 2026 gjev dei fleire konsertar med dette utgangspunktet.

Linda har motteke fleire stipend og prisar for sitt arbeid med formidling av kystsongtradisjonen, m.a. Musikkprisen for Meland kommune 1996, Statoilprisen for Nordhordland og Gulen 1998, Medaas-prisen 2001, Kulturstipend 2020 frå Alver kommune.

ENGLISH SUMMARY

Linda Røyseth Sandhåland (b. 1981) is a Norwegian folk singer and educator specializing in the coastal song traditions of Hordaland. She works as a solo performer, teacher, and lecturer, with academic training in folk music, ethnomusicology, music education, and speech therapy (with a focus on voice disorders) from institutions including the University of Bergen.

From a young age, she engaged deeply with traditional song material, gaining early access to a large archive of collected folk songs from Nordhordland. She later studied directly with experienced tradition bearers and has become an important contributor to preserving and revitalizing this musical heritage.

Sandhåland is co-editor of an open-access online resource featuring over 70 local children’s songs from the Bergen region and has written scholarly articles on song traditions and coastal culture. She also co-led a major educational project that brought local folk songs into primary schools, reaching thousands of children.

She has extensive teaching experience with students of various ages and at different educational levels, ranging from community music schools to higher education. As a performer, she has given hundreds of concerts and lectures, often combining music with cultural and historical storytelling.

She collaborates with guitarist Bjørn Schille, and in 2026 they released Draumkvedet, exploring a blend of traditional singing and contemporary guitar. Sandhåland has received several awards and grants in recognition of her work in preserving and promoting coastal song traditions.