Linda Røyseth Sandhåland & Bjørn Schille

Linda Røyseth Sandhåland (kveding) og Bjørn Schille (hybridgitar) er busett i Alver i Nordhordland. Dei har samarbeidd i fleire formidlingsprosjekt med lokale barnesongar på Strilalandet kring Bergen sidan 2020, men det var først i 2025 at dei debuterte som duo då dei fekk førespurnad om å framføre mellomalderballaden "Draumkvedet" på trettandedagen i samband med ei kunstutstilling på Galleri Rustica. Framføringa fekk svært positive tilbakemeldingar, og i 2026 vart deira tolking av "Draumkvedet" tilgjengeleg på CD og strøymetenester. For denne har dei hausta gode kritikkar:

"Sandhåland har så stø stemme og tone, og ornamenteringa og tonaliteten er stilsikker og gjennomført. Schille ligg heile tida i bakgrunnen med sin åttestrengs hybridgitar, det blir meditativt og suggererande. (...) Dette er ei kvalitetsplate som fortener å bli høyrd av mange. (...) vonar å høyre mykje meir av denne duoen i åra som kjem!" (Frå platemelding i Folkemusikk, 1/2026).

I samarbeidet utforskar dei det musikalske landskapet mellom kveding og hybridgitar. Dei tek utgangspunkt i eldre folkesongmateriale som framleis har evna til å røre ved universelle kjensler i oss menneske, sjølv etter si lange vandring gjennom tid og rom. Våren 2026 gjev dei fleire konsertar med namnet "Ætteklang" med dette utgangspunktet. 

ENGLISH SUMMARY

The duo of Linda Røyseth Sandhåland (traditional singing, kveding) and Bjørn Schille (hybrid guitar) is based in Alver, Nordhordland. Although they have collaborated on projects involving local children’s songs in the Bergen region since 2020, they officially debuted as a duo in 2025 when invited to perform the medieval ballad Draumkvedet at an art exhibition at Galleri Rustica. The performance garnered many praises, and in 2026 their interpretation was released on CD and streaming platforms to positive critical reviews, highlighting Sandhåland’s steady voice and stylistic precision alongside Schille’s atmospheric, meditative guitar work.

Together, they explore the musical space between traditional vocal expression and contemporary guitar textures, drawing on older folk material that continues to resonate with universal human emotions. In spring 2026, they present a serie of concerts under the title “Ætteklang,” based on this artistic approach.