Sluppen Grafokordlag

Kva får du om du kombinerer 80-talssynth med slåttar, stubbar og salmetonar? Folk fusion-bandet Sluppen Grafokordlag, med røter i Trøndelag og på Nordmøre, har marinert 

tradisjonsmusikken i ulike innfallsvinklar og tekstar på dialekt, og byr på originalitet, kreativitet og leikenheit. Med musikarar bevandra i jazzen, folkemusikken, punkrocken og kyrkjemusikken blir eit mangfald av uttrykk saumlaust koordinert i eit spennande lydbilde, med eit nikk til 70-talets visepop.

Det spennande og til dels ukjende tradisjonsmaterialet som finst i denne regionen, blir løfta fram slik som dei er, som berande element i nye arrangement eller som grunnlag for nye låtar. Målet er å levandegjere musikken med to tankar i hovudet på same tid: å ta kjelder, former, opptak og tradisjon på alvor, samstundes som ein står fri til å leike og forme om med ein variert instrumentpark.

Nettside: https://www.sluppengrafokordlag.com 

Medlemmar:

Runa Kvalsund (vokal, banjo)

Frank Hannasvik (trommar, koring)

Maren Barlien (synth, harmonium, fløyte, koring) 

Ragnhild Nelvik Bruseth (bass)

Erlend Haseth (gitar)

Foto: David Aasen