Artist
Margit Myhr
Margit Myhr er folkemusikar, songar, dansar og skodespelar. Ho har hatt engasjement som dansar og skodespelar på Västanå Teater i Sverige sidan 2013 i tillegg til å produsere sine eigne forestillingar her i Norge. Margit medverkar i ulike grupper og samarbeid, som til dømes vokalgruppa Kvedarkvintetten (plateaktuelle 2024) og dansekompaniet Mamelukk som i år er aktuelle med forestillinga Livmødre.
Margit Myhr er folkemusikar, songar, dansar og skodespelar. Ho har bachelor i utøvande musikk frå Ole Bull Akademiet, samt utdanning frå Frikar-akademiet og halvtårskurs i «Berättande teater» i Sunne, Värmland. Ho arbeider fremst med dansen og teatret, men trakterer i tillegg instrumenta lyre, langeleik og hardingfele, med song som hovudinstrument.
Ho har sidan 2013 vore engasjert som skodespelar og dansar ved Västanå Teater; seinast i “En saga om en saga” som var teateret si 50års-jubileumsforestilling, og i tidlegare forestillingar som til dømes "Eddan" i manusversjon av Jon Fosse og som tittelrolla i “Anna Svärd” av Selma Lagerlöf.
Ho har òg gjort fleire eigenproduserte førestillingar som den kritikarroste soloførestillinga “Stilt trør kvinner i sørgedans”, nyproduksjonen “Nokon kjem til å kome” av Jon Fosse i eit samarbeid med Riksscenen og Västanå Teater, danseforestillinga «SVIV», samt barneframsyninga «Frid i skogen den grøne» skreve av Sigmund Løvåsen -begge i samarbeid med Riksscenen og Sprang.
Ho har også sidan 2010 hatt mange engasjement som dansar i ulike eventsamanhang og dansekompani; som i Frikar, Villniss og Mamelukk, sistnevnte som medskapande dansar i forestillinga «Livmødre» som hadde premiere i 2022.
I 2021 gav ho ut plata Slåttesong (Heilo/Grappa) i lag med hardingfelespelar Erlend Apneseth, med songar henta frå tradisjonsmaterialet som finst i Hallingdal. I 2024 kjem tredje plata med vokalgruppa Kvedarkvintetten, eit verk av komponist Jorun Marie Kvernberg, skreve til kvintetten og urframført på Førdefestivalen 2021.
Margit Myhr har motteke fleire prisar og stipend, som til dømes arbeidsstipend frå Lilly-stiftelsen i 2022 og Statens Kunstnarstipend i 2017 og 2022. I 2016 vann ho Kongepokalen for sigeren i Vokal Klasse A under Landskappleiken.