Artist
Amalie Kinsarvik Tvilde
Amalie Kinsarvik Tvilde er durspelar frå Kinsarvik i Hardanger. Ho er både soloutøvar, dansar og pedagog.
Amalie er ein viktig tradisjonsbærar av tradisjonsmaterialet frå Hardanger og Voss og har fordjupa seg i hardingfeletradisjonen frå desse områda. Ho har også arbeida mykje med feletradisjonen frå Nordland, Finnskogen og Røros. Repertoaret spenner seg frå både dansemusikk, bygdespel, gammaldans og lydarslåttar.
Som pedagog har Amalie mellom anna undervist på Strunkeveka, ministrunken, Storhelg i Hallingdal og som fast lærar på toraderundervisninga i BLS. Ho har erfaring som pedagog både med vaksne, ungdom og barn. Amalie har også undervist i folkedans på t.d. på Oslo by steinerskole.
Ho er no student ved Norges Musikkhøyskole, der ho tar ein bachelor i norsk folkemusikk med durspel som hovudinstrument. Før musikkhøyskolen studerte ho ved Landslinja i folkemusikk på Vinstra VGs og eit år på Ole Bull Akademiet.
Ho har motteke fleire prisar og utmerkelsar, mellom anna Drømmestipendet (2015), Årets stjerneskot (2015), Sparebankstiftinga Hardanger (2015), Furustipend (2017) og Hordaland fylkeskommune folkemusikkstipend (2018).